ZINEXIT TOPAKETAK, ‘ÉRASE UNA VEZ EN EUSKADI’ AURKEZTUKO DUTE ZINEMA ETA GIZA ESKUBIDEEN ERAKUSKETAREN HITZAURRE GISA, UMEEN BEGIRADAREN BIDEZ EGINDAKO 80KO HAMARKADAKO EUSKADI NAHASIAREN KONTAKIZUNA

• Manu Gómez euskal zuzendariaren lehen film luzea da, eta bertan, erradiografia soziopolitiko gogorra eta kolorez, bizitzaz eta dibertimenduz betetako haurtzaroko oroitzapenak uztartzen ditu

• GAUR ASTEARTEA Azkuna Zentroko Golem Zinema-aretoetan (19:30ean, sarrera librea eta doakoa) egingo diren Zinexit Topaketetan, filmaren zuzendaria eta Iban Garate kazetaria izango dira emanaldiaren ondorengo eztabaidan

• Eusko Jaurlaritzako Biktimen, Giza Eskubideen eta Aniztasunaren Zuzendaritzak urtero antolatzen duen Giza Eskubideen XII. Zinema Erakustaldia, Zinexit, azaroaren 21etik 25era egingo da

LINK TRAILER / KARTELA: https://drive.google.com/drive/folders/1SYS3teHwvK0jHDqOnOhm9YOLGN87wV51?usp=sharing

LINK IRUDIAK: https://drive.google.com/drive/folders/12TeKtcOs3D0tUwG9IqFzaliXH_YQa9N?usp=sharing

Bilbo, 2022ko urriaren 11a. Zinexit Zinema eta Giza Eskubideen Erakusketaren hamabigarren edizioa da aurtengoa, eta duintasuna eta oinarrizko eskubideak errespetatzean oinarritutako bizikidetza bultzatzeko bilduko ditu zazpigarren artearen zaleak. Bilboko Golem zinema-aretoetan azaroan proiektatuko diren filmen zikloa egingo da aurten ere, baina astearte honetan, urriak 11, aperitibo berezia izango dugu, “Érase una vez en Euskadi”, 80ko hamarkada nahasiaren ikuspegia umeen begiradaren bidez.

Eusko Jaurlaritzako Biktimen, Giza Eskubideen eta Aniztasunaren Zuzendaritzak antolatzen duen zinema-ziklo honen XII. edizioa azaroaren 21etik 25era izango da, baina, ohi bezala, hitzaurrea izango dute, Zinexit Topaketak. Oraingo honetan Manu Gomezen (Arrasate, 1973) lehenengo film luzea programatu dugu. Gipuzkoako herri horretara emigratutako granadarren semea, zuzendaria bere haurtzaroko agertokietara itzuli da 80ko hamarkadan Euskadin hazitako lau umeren nerabezarorako jauzia irudikatzeko.