AURKEZPENA ZINEXIT 2021

2020. urtean pandemiaren ondorioz zinema-erakustaldia bertan behera utzi ostean, aurten energia berriekin gatoz, Zinexit Giza Eskubideen XI. Zinema Erakustaldia aurkeztera.

Iragan urriaren 5ean, lehen aleaz gozatu ahal izan genuen, “Non dago Mikel?” dokumental lazgarriarekin. Filmaren ostean solasaldia egon zen, Mikel Zabalzaren arrebak, Idoiak, gidatuta. Bertan, jendea adi egon zen, eta familiarenganako enpatia eta babesa gailendu ziren, gertatu zen horren gaineko egia bilatu eta justizia eskatzeko lanean.

Aurten, luxuzko kartela daukagu, tartean, besteak beste: “Nuestras vidas como refugiados en Europa” labur dokumentala, Goya 2020 saria; “Paris Stalingrad” filmaren estrainaldia; “La leyenda negra”, Zinegoaken 2021eko Jaialdiko “Aniztasuna eta Giza Eskubideak” saria; “The Cave”, zinemako hainbat jaialditan sari asko jasotakoa eta Oscarretarako izendatua 2020an; eta oraintsu estreinatutako “Maixabel”. Azken horren ostean, filmeko benetako protagonistarekin hitz egin ahal izango dugu, Maixabel Lasarekin. Gainera, azaroaren 26an (ostirala), pantaila handian ikusi ahal izango dugu zinemaren historian gerraren aurka egin den film onenetako bat, Stanley Kubrickek zuzendutakoa 1957an: “Senderos de Gloria”.

Sei film edo dokumental hauen bidez, aurten bakarkako eta taldeko borrokek giza eskubideen defentsan duten zeregina ikuskarazi nahi da. Borroka horiek batzuetan heroikotzat jo litezke, norbanakoa sakrifikatzen baitute ongizate komun eta kolektiboaren mesedetan, sarritan beren bizitzak eta askatasunak arriskuan jarriz.

Era berean, Bilboko Udaleko Bosa! Programarekin lankidetzan jarraituko dugu eta Zinexit Eskola ospatuko dugu, Eric Tostiren “Terra Willy” filmarekin.

Giza Eskubide, Biktima eta Aniztasun Zuzendaritzak gonbidapena luzatzen dizue azaroaren 22tik 26ra Azkuna Zentroko Golem zinemetan parte hartu eta inguratzen eta kezkatzen gaituzten gaiei buruz hausnartu eta eztabaidatzeko, zinema bihurtuz hausnarketa eta pentsamendu kritikoa sustatzeko tresna.

Monika Hernando Porres

Giza Eskubide, Biktima eta Aniztasuneko zuzendaria, Lehendakaritza

Antoltzen du:

 

Koordinatzen du:

irudi-berria

Kolaboratzaileak:

Bilbao
amnesty-international   cear     

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies