- Canneseko Kritikaren Astean txalotua izan den film errealista hau ikusi ahal izango da bihar, asteartea, urriak 10, 19:30ean Azkuna Zentroko Golem zinemetan. Sarrera doakoa da eta gonbidapena leihatilan jaso beharko da
- Proiekzioaren ostean, solasaldia izango da Leila Nachawatirekin, Ekialde Ertainean eta Afrikako iparraldean giza eskubide eta komunikazioan aditutako idazlea
- Eusko Jaurlaritzako Biktimen eta Giza Eskubideen Zuzendaritzak antolatu eta azaroaren 6tik 9ra bitartean zortzigarren edizioa ospatuko duen Zinexit, Bizikidetzaranzko Zine Erakusketaren atarikoa da ZINEXIT TOPAKETAK
“MEDITERRÁNEA” FILMAREN AURRERAKINA:
httpss://vimeo.com/236380230
Bilbao, 2017ko urriak 9.- Beste urte batez, ZINEXIT TOPAKETAK aurrea hartzen dio Eusko Jaurlaritzako Biktimen eta Giza Eskubideen Zuzendaritzak antolatzen duen Zinexit, Bizikidetzaranzko Zinema Erakusketaren 8. edizioari. Oraingo honetako filmaren proiekzioak eta ondorengo solasaldiak, gori-gorian dagoen errealitatera hurbilduko gaituzte, etorkizun hobeago baten bila Europara abiatzen diren milaka afrikarrena. Jonas Carpignano italiar zuzendariaren “Mediterránea” da aurtengo ediziorako egin den aukera, gazte bik Burkina Fassotik Italiara egindako bidea erakusten digun dokumental erako fikziozko filma. ‘Mediterránea’ bihar asteartea, urriak 10, 19:30ean ikusi ahal izango da Azkuna Zentroko Golem Zinemetako 1. aretoan. Sarrera doakoa da, zinemetako leihatiletan jasotako gonbidapenarekin.
Zinexit Topaketak-aren hirugarren edizioa Bilbon aurkeztu du gaur goizean Monika Hernando, Eusko Jaurlaritzako Biktimen eta Giza Eskubideen Zuzendariak; eta berarekin batera izan dira ere Leila Nachawati, Ekialde Ertainean eta Afrikako iparraldean giza eskubide eta komunikazioan aditua den idazlea, eta Octavio Gonzalez, Zinexiteko programatzailea.
Bilboko Azkuna Zentroko Golem zinemetan, azaroaren 6tik 9ra bitartean ospatuko den Zinexiten zortzigarren edizioaren atarikoa dugu Zinexit Topaketak. Giza Eskubide, Bizikidetza eta Lankidetzaren Idazkaritza Nagusiak antolatzen du Zinema Erakusketa hau, zeinek iritzi desberdinak sustatu eta elkarrizketa eta bizikidetza bultzatuz, bizi dugun errealitateari buruzko eztabaida gune irekia bihurtu nahi duen. Edizio honetan Zinexitek herri migratzaileekiko hurbiltasuna, konpromisoa eta ezagutza ezagutarazi nahi ditu.
“Ez dago asmatutako ezer, filmean ikusten den guztia benetan gertatu zaie pertsonaiei”, dio Jonas Carpignano, filmeko zuzendariak. Hauxe da ‘Mediterránea’ filmaren aurkezpen txartela, zeinek, beste zinemaldi batzuren artean, Canneseko Kritika Astean arrakasta handia jaso eta 2015ean Europar Parlamentuaren LUX zinema sarietan finalista izatea lortu zuen. Afrikako ipar-ekialdeko Burkina Faso herrialdetik, non dagoen ez dakiten “El
Dortado”ren bila, gazte bik egingo duten bidaia luzea jarraitzen du film honek.
Zinema neorrealista
Dokumentalean ikus dezakegunez, Ayiva eta bere lagun Abas Burkina Fasoko hiriburutik abiatuko dira, ikaragarrizko tenperaturekin eta lapur armatuen erasoetatik basamortua ihesean zeharkatuz. Haien asmoa da Libiara iritsi, txalupa pneumatiko zahar batean sartu eta Italiarantz abiatzea. Italiar zinema neorrealista onenetako oinordekoa dugu ‘Mediterranea’ filma. Kokaleku errealak, eszenaratze naturalista, aktore ez profesionalen lana eta migranteen bizitza oso hurbiletik jarraitzen duen eskuko kamera erabiliz islatzen du Carpignanok aipatutako neorrealismoa. Nortasun desberdina duten Ayiva eta Abasek, atzerriko herrialde batean bizitzari aurre egiteko modu osagarri bi ordezkatzeaz gain, migrazio-mugimenduak eta banaketa kuotak bezalako hitzen atzean, sentimenduak dituzten benetako gizon-emakumeak daudela erakusten digute.
Ahotsik gabekoen komunikazio bidea
Filma ikusi ondoren, Leila Nachawati Rego, idazle eta Giza Eskubideen aldeko ekintzailearekin izango den solasaldian parte hartu ahalko dute ikusleek. Aita siriarra eta ama galiziarra dituen Leila Nachawati, Damasko eta Santiago de Compostela artean hazi eta hezi da eta Ekialde Ertaina eta Afrikako iparraldean da aditua. Informazio eta komunikazioen teknologien bitartez, justizia soziala suspertzen duen giza eskubideen nazioarteko sarea den Komunikabideen Aurrerapenen aldeko Elkartean aritzen da, eta Madrileko Carlos III. Unibertsitatean, indarkeria eta komunikabideak eta herritarren partaidetzari buruzko eskolak ematen ditu.
Gazteleraz, arabieraz, galegoz eta ingelesez hitz egiten du eta Siria, Espainia, Amerikako Estatu Batuak, Mexiko eta Marokon bizi eta lan egin izan du. Oso gogotsua da sare sozialetan, hedabideen arreta jasotzen ez dutenen, eta beste batzuk suntsitzen saiatzen diren artean, eraiki eta muturreko egoeretan eusten dioten ahotsen bozgorailu gisa erabiltzen ditu Lailak. `Global Voices´, Al Jazeera (English), ‘El Mundo’ eta eldiario.es egunkari digitalean kolaboratu ohi du.
2013an, SyriaUntold ataria sortu zuen siriar kazetari, garatzaile eta diseinatzaile talde batekin, zeinek, siriar herritarren eguneroko erresistentzia eta ekoizpen artistiko eta kulturala erakusten duen. “Cuando la revolución termine”, bere lehendabiziko nobela, askatasuna, duintasuna eta justizia eskatzen jarraitzen duten Mediterraneoaren hegoaldeko herrien omenaldia da eta frantsesez argitaratzear dago.
Zinexit-en 8. edizioa, azaroaren 6tik 9ra bitartean
ZINEXIT TOPAKETAK duela hiru urte jaio zen Zinexit-en atariko gisa, zeinek aurten, zortzigarren ekitaldia ospatuko duen azaroaren 6tik 9ra bitartean. Desberdintasunaren errespetutik eztabaida erraztu, eta euskal gizartean bakearen kultura sustatzeko gauza den zinema, hezkuntza tresna gisa aldarrikatzen dute ekimen biek. Hortaz, gizakiaren duintasuna eta giza eskubideen errespetuan oinarritutako bizikidetza sustatzea du helburu Zinexit-ek, elkarrekiko errespetutan oinarritutako ideiak, nahiak, printzipioak eta baloreak kontrajarri eta eztabaidatu ahal izateko herri eta gizarteari zuzendutako guneak sortuz.
Hezkuntza eta gizarteratze tresna sendoa da zinema, ikuslea errealitate desberdinetara bideratu, eta era berean, bertan sortzen diren bidegabekeria eta inguruari buruzko iritzi kritikoa sortzeko gai dena. Zentzu honetan, bizikidetzaren ikuspuntutik bideratutako bakean hezi, eta Giza Eskubideen ezagupena, hausnarketa eta sustapenaren helburua lortzeko jarduera egokia dugu Zinexit. Aurreko ekitaldietan bezala, gizarte pedagogia proposamena den Erakusketaren helburua Giza Eskubideekin eta Bizikidetza.
Demokratikoarekin zerikusia daukaten gai desberdinen inguruan ikusleekin iritziak aldatu, eta eztabaidarako gune bat sortzea da.