AURKEZPENA ZINEXIT 2025

ZINEXIT Giza Eskubideen Zinema Erakusketa helburu argi batekin sortu zen: errealitate ezberdinak hurbiltzea eta zinemaren bidez bizikidetzari eta oinarrizko eskubideei buruzko hausnarketa sustatzea. Hamabost ediziotan zehar, kultura, pentsamendua eta konpromiso soziala uztartzen dituen erreferentziazko gune gisa finkatu da.

Hamabosgarren edizio hau azaroaren 10etik 14ra izango da, Azkuna Zentroko Golem zinemetan. Eztabaida sortzea du helburu, gure ekintzen ondorioei buruz hausnartzera gonbidatzen gaitu, Ikuspegi anitz batetik ikuspegiak partekatzeko eta gizarte gisa erronka egiten diguten gaiak mahai gainean jartzeko balio du, giza eskubideei eta horiek posible egin dituzten borrokei buruzko hezkuntza eskainiz.

Griffithen “Intolerantzia”-tik (1916) Santiago Mitreren “Argentina, 1985”-era (2022), Chaplinen “The great dictator”, Marjane Satrapi eta Vincent Paronnauden “Persepolis” (2007), Spielbergen “Schindlerren zerrenda”, Almodovarren “Madres Paralelas”, Arantxa Echevarriaren “La Infiltrada”, Julio Medemen “Euskal pilota”-tik igaroz, zinemak banaka eta taldeka eragiten diguten funtsezko arazoetara hurbiltzen gaitu.

Justizia eta Giza Eskubideen Sailak ZINEXIT babesten du, kultura — eta zinema — gizartea sentsibilizatzeko, salatzeko eta eraldatzeko tresna dela uste dugulako.

Horregatik, María Jesús San José sailburuak zuzentzen duen Sailak giza eskubideen defentsarekin konprometitutako ekimen hau bultzatzen du, eta horrek ere hausnartzera eta jarrera hartzera bultzatu beharko gintuzke.

Espazio libre horrek pentsamendu kritikoa sustatzen du, eta gogorarazten digu bizikidetza elkarrizketaren, enpatiaren eta pertsona bakoitzaren duintasuna aitortzearen bidez ere eraikitzen dela.

Eskerrik asko ZINEXIT posible egiten duzuen guztioi.